S.F's note

Зүрхнээс минь хөвөгдөх өнгө өнгийн утаснаас

Зүүгдэж тоглох дуртай эрх дураараа шүлгүүд минь...

Яагаад чи над руу харахад

Эсвэл зүгээр л харж байна гэж төсөөлөхөд

Би үзэсгэлэнтэй биш...! Надаас чи төгс төгөлдөр гоо сайхныг олж харахгүй. Гэхдээ яагаад ч юм, чи миний эгэл жирийн, онцгой юм, юу ч үгүй төрхөнд татагдсан....

Далавчиндаа нуугдсан хар хэрээдийн сүүдрээс

Уртаас урт энэ шөнийн уй ханзарнам

Харанхуй өрөөндөө тамхиа баагуулж

Над руу эргэж харалгүй дуу аялах

Хачин хоолойг чинь тэврэн сууна

Моддын мөчрөөс урагдах мэт сүрхийн нисэх

Учир нь олдохгүй хаврын шувуудыг санаж байна

Чи зүүдэнд минь үргэлж далавчгүй ирдэг

Тэгээд надаас дахиад л сэтгэлийг минь гуйдаг

Сормууснаасаа чиний үнсдэг байсан уруулын хээг

Авч хаяв би, тэгээд чамайг улам их үзэн ядав

....Хачин юм аа, тэр зүрхгүй ийм олон жил амьдарч шүү дээ. /Зохиогч/

1

Тэр надад нэгэн бороотой өдрөөр “Надтай гэрлээч” гэж хэлсэн юм.

Габрель ба түүний кофе уусан үдэш

Шатаад дууссан тэмдэглэлийн дэвтэрийн

Үнс адил сав саарал тэнгэрээс

Өлмийд минь сэтгэлээ дэвсчихдэг чи минь

Өнгөрөгч цаг хугацаа руу зурвас илгээхдээ